我是一個基督徒,
但我係一個屬靈生命不堪一擊既基督徒,
平日好懶惰,咩都唔想做,連事奉都逃避,
當做事奉既時候又唔係向準神,只係向準人,
有事既時候就會埋怨,埋怨神點解唔賜比我有能力面對,
又會懷疑下聖經裡面D內容。
我又會好容易隨波逐流,迎合這個社會,容易說謊。
心裡面有許多罪又會比自己藉口唔清除,
還有,當真係好落難既時候,先會呼求神,
自己又唔會堅守自己既立志,
好多時我都只向自己利益出發。
同以往以色列民一樣咁無賴!甚至覺得比佢地更無恥。
雖然我唔想咁樣,我都想立志行善架,只係行出黎又不得我咁解…真係苦。
我並唔係一個初信既基督徒,我亦都知道神既要求,我係知而不行,罪加一等!
我比起舊約整跌約櫃果個搬運工人更加不鄭重對神、比起阿倫兒子獻祭時更不聖潔、比起當時以色列民起礦野求有肉食更無賴、比起使徒行傳裡說謊那對亞拿尼亞夫婦更多欺哄、比起舊約阿干既貪心更貪這個世界,他們都被神擊殺了。
但點解神還存留我的性命呢?我知道神愛我。但我覺得我一生裡面都會充滿叛逆,永遠都無辦法成為流通既管子,永遠都唔能夠被神使用。有時我覺得我死了還好。
我好想同人分享神既愛,但係又覺得從我把口講,一D用都無,又沒有口才,又沒有說服力,雖然話口才神賜姐…但我平時又懶唔裝備!!神都唔會用我啦!
但願每早晨是一個新的開始,求神不單讓我檢視自己的生命,知道自己的不足,深願神賜給我一個悔而能改的決心,但願你保護我,不讓魔鬼的試探勝過我,因為你已勝過世界,即使神要我今日面對失敗挫折,請你讓我知道這一切都是出於神的,只因是出於你,我就能夠放心,因為這只不過是你在世間給我「要克服自己意志和情緒」的功課而已,回想過去,你竟是如此信實,我曾祈禱說我將來可能遇見試探而落入軟弱中,求神你不要放棄我,神你果然沒有放棄,以致我今日仍然知道神是愛,是我唯一的倚靠,我也別無倚靠。今日我仍然落在灰心喪志中,我沒有膽面對明天,求神的說話,無論是責備管教還是安慰憐憫,都不要離開我,使我有勇氣繼續走這條天路。
阿門
悲觀的人 於 2010年4月18日